Ministri i Brendshëm i dorëhequr Sandër Lleshaj, ka reaguar pas konferencës së përbashkët zhvilluar nga Policia e Shtetit dhe Policia Italiane sitën e sotme, ku në fokus ishte lufta kundër kultivimit të kanabisit.
Përmes një postimi në rrjetet sociale, Lleshaj shkruan se , Italia konfirmoi një arritje të madhe të Shqipërisë, pasi sipas tij 2020-ta ka shënuar vitin me minimumin e sasisë së kanabisit të trafikuar drejt Italisë nga Shqipëria.
Sipas ministrit të dorëhequr, arsyet e suksesit janë vullneti politik, angazhimi policor dhe bashkëpunimi ndërkombëtar.
Reagimi
Ndarja e Shqipërisë nga kanabisi
Sot Italia konfirmoi një arritje të madhe të Shqipërisë. 2020-ta shënon vitin me minimumin e sasisë së kanabisit të trafikuar drejt Italisë nga Shqipëria: 37% më pak nga 2019.
Arsyet e këtij suksesi historik gjenden tek shumë faktorë, ku po veçoj:
- Vullneti i paepur politik;
- Angazhimi i fortë policor;
- Bashkëpunimi ndërkombëtar, ku spikat ai me Italinë.
Operacioni i sotëm i SHÇBA-së dhe PSH në Vlorë, ku u shkatërrua një rrjet prej 41 personash, përfshirë edhe punonjës të Policisë, është vetëm një shembull që tregon se përse kemi arritur tek ky sukses që duhet të bëjë krenar të gjithë ata që kanë luftuar për këtë qëllim madhor.
Faleminderit Italisë për pjesëmarrjen në këtë fitore të rëndësishme./ Opinion.al
