Kryeprokurori Adriatik Llalla ka nisur një vizitë në Bruksel në kulmin e debateve për raportet e tij me ambasadorët por edhe një kur flitet për abuzime me vilën e ambasadores Vlahutin në Tiranë.
Zyra e shtypit tha se Llalla ndodhet në Bruksel, ku ka takuar drejtorin e Përgjithshëm të Zyrës Anti-Mashtrim të Bashkimit Europian. Në njoftim thuhet se Adriatik Llalla dhe Giovanni Kessler kanë folur për të rritur bashkëpunimin në luftën kundër korrupsionit.
“Llalla, informoi zotin Kessler lidhur me përpjekjet e autoriteteve shqiptare në luftën kundër korrupsionit, si edhe me masat e reja legjislative për forcimin e sistemit të drejtësisë në vendin tonë”, thuhet në njoftimin e Prokurorisë së Përgjithshme.
Po kështu, zyra e shtypit kujdeset të informojë publikun shqiptar se “Zyra Europiane Kundër Mashtrimit (OLAF) është organi i vetëm i BE-së i mandatuar për të zbuluar, hetuar dhe ndaluar mashtrimin me fondet e Bashkimit Europian. Kjo zyrë ka një status të pavarur në funksionimin e saj dhe është pjesë e Komisionit Europian”.
Pikëpyetja më e madhe është nëse Llalla ka çuar dosje për ambasadoren e Prezencës së BE në Tiranë, Romana Vlahutin. /Opinion.al
Bashkëngjitur:Vila e Vlahutin ne Tirane
