Kombëtarja shqiptare ka luajtur ndeshjen e fundit të fazës së eliminatoreve në stadiumin “Loro Boriçi” në Shkodër ndaj Italisë, të cilën e humbën me rezultatin minimal 1-0.
Pjesa e parë kaloi me dominim të Shqipërisë, ku në fillim kishte dy-tre goditje të rrezikshme në drejtim të portës së Gianluigi Buffon. Megjithatë 45 minutat e para u mbyllën në barazim të pastër pa gola.
Shqipëria insistoi edhe në pjesën e dytë, por Italia kishte kontrollin në posedim të topit, çka bëri që axurrët të vijnë deri te goli.
Antonio Candreva pas një krosimi të Spinazzolas gjeti veten në mes të zonës për të shënuar nga afërsia për 1-0 dhe epërsinë e Italisë.
Deri në fund Shqipëria avancoi përpara, por nuk arriti që ta shënojë golin e barazimit.
Shqipëria e mbyll fazën kualifikuese për Botëror me 13 pikë në vendin e tretë të Grupit G, me 10 pikë më pak se Italia në vendin e dytë dhe 15 pikë më pak se Spanja në vendin e parë.
MINUTË PAS MINUTE
51′ Goditje këndi për Italinë, kroson Kandreva, Mavraj largon topin, që shkon në këmbët e Ederit, i cili provon me një goditje të rrufeshme, por jashë kuadratit.
46′ Shqipëria e nis në sulm pjesën e parë, gjuan Odise Roshi nga jashtë zone, Bufon grushton topin në goditje këndi.
Mbyllet pjesa e parë, Shqipëri-Itali 0-0.
45′ Të pa vëmendshëm mbrojtësit e Kombëtares, Imobile lëshon një goditje drithëruese, vetëm rrjetë e jashtme.
42′ Insinje provon me një gjuajtje të rrezikshme me të brendshme, topi përfundon mbi kuadrat.
39′ Italia pretendon për 11 metërsh pas topit të prekur me dorë nga Veseli brenda zonës, nuk ka asgjë për gjyqtarin.
34′ Hysaj hedh një top në zonë për Grezdën, largojnë në momentin e fundit mbrojtësit italianë.
31′ Insinje provon të kombinojë rrezikshëm me Imobilen brenda zonës, ndërhyrje vendimtare e Mergim Mavrajt.
28′ Të njëjtën gjë bën edhe Insinje, provon sulmuesi i Napolit, jashtë kuadratit të Berishës.
27′ Sadiku provon me një goditje të bukur nga jashtë zonës, në pozicion Bufon.
24′ Darmian provon me një gjuajtje të befasishme, pa rënë topi në tokë, por jashtë kuadratit.
21′ Gabim i pafalshëm i Veselit që i jep një mundësi të artë Imobiles, i vëmendshëm Berisha i cili bën një pritje shpëtimtare duke dërguar topin në korne.
20′ Goditje këndi për Italinë, kroson Kandreva, largon përsëri Veseli.
9′ Pranë goli Shqipëria, Grezda lëshon një të djathtë rrafsh me tokën, pret në dy kohë Bufon.
7′ Italia zbret rrezikshëm në krahun e majtë, Insinje fut një top në qendër, i vëmendshëm Veseli, i cili largon rrezikun.
3′ Shqipëria jep shkëndijën e parë në portën italiane, Hysaj gjuan nga distanca, por në pozicion aty Bufon.
1′ Ka nisur takimi, Italia nis topin e parë nga qendra.
Ja formacionet:
Shqipëria: Berisha, Hysaj, Veseli, Agolli, Hysaj, Basha, Memushaj, Grezada, Kaçe, Roshi, Sadiku
Italia: Bufon, Kielini, Darmian, Bonuçi, Spinacola, Kandreva, Galjardini, Parolo, Insinje, Imobile, Eder
Ja formacionet:
Shqipëria: Berisha, Hysaj, Veseli, Agolli, Hysaj, Basha, Memushaj, Grezada, Kaçe, Roshi, Sadiku
Italia: Bufon, Kielini, Darmian, Bonuçi, Spinacola, Kandreva, Galjardini, Parolo, Insinje, Imobile, Eder
