Ka rinisur seanca plenare pas 15 minutave pushim, me kërkesë të Bashës i cili kërkoi që të jetë prezent kryeministri Rama.
Tashmë Rama është në seancë dhe fjalën e ka marrë i pari, kreu i grupit të PD, Edmond Spaho. Duke folur për miliona euro të kapura në Durrës, ai tha se Shqipëria është kthyer në lavatrice e parave të pista.
Çfarë ndodhi më herët:
Basha kërkoi që në parlament të vijë Rama pasi do të flasin për vendimin e BE për të mos hapur negociatat. Sakaq Balla tha se “Rama po flet me kryeministrin e Belgjikës”.
Basha: “Është marrë një vendim për të shtyrë shqyrtimin e vendimmarrjes, përgjegjësi kryesor dhe pengesa kryesore sot duhet të jetë këtu, afërmendsh nuk mund ti kërkosh kryetarit të opozitës pa përgjegjësin në numër një në sallë, nëse zotëria po fshihet apo nuk i mbajnë leqet të vijë këtu ndërpre seancën, këshilloje, qetësoje, të marrë ato që merr dhe të vijë në seancë se nuk mundet ti bëjë bisht debatit, kaq e thjeshtë është, pezulloje seancën”.
Balla: “Duhet të jemi korrekt, e mirëpresim një debat me ju për negociatat, por ju jeni të paimagjinueshëm, o zotëri ke kërkuar debat për autoritetin mbi veprimtarin e ish Sigurimit, je shumë i dobët, më i dobëti që kemi pasur përballë. i paimagjinueshëm shyqyr që të kemi ne, por për fat të keq gjynah që të ka Shqipëria lider opozite”.
Live nga parlamenti:
