Kryeministri Edi Rama u përball me një situatë të sikletshme sot në Universitetin e Vlorës, në qytetin ku është zgjedhur dhe deputet. Një prej studentëve i tha të kemi votuar por na kthehet në urrejtje. Më pas grupi i studentëve që ishin kundër dialogut me Ramën lanë sallën në mënyrë demonstrative duke thirrur: “Turp, Turp. S’bëjmë negociata”.
Rama pasi u larguan studentët protestues, u shpreh: “Këta që bërtasin dhe nuk duan të flasin, cfarë kërkojnë? Turp është të mos flasësh, jo të kërkosh të flasësh. Ja ku i ke ultimatumet, ai është 8 pika plotësoji, ka qenë një këngë e famshme në kohën e komunizmit, por nuk jemi në atë kohë. Duhen diskutuar, unë mendoj që duhet të kemi shkallëzim meritokratik te tarifat, nuk ka ulimatume, jo ata 40 vetë, por të gjithë mund të dilni dhe nuk fitoni asgjë, përkundrazi do humbni, të jeni të sigurt”.
“Një gjë i them asaj vajzës, keni keqkuptuar protestën, si e kam keqkuptuar unë? Duke thënë që ishte shuplakë për qeverinë? Që do të thotë se jo vetëm nuk e kam keqkuptuar, por e kam kuptuar më mirë se ajo, se e kam analizuar shumë thellë thelbin e shpërthimit”, vijoi Rama.
Lexo edhe: LIVE/ “Turp! Turp!”, studentët i i ikin Ramës nga takimi
