Kryeministri Edi Rama po ballafaqohet me studentët e Arkitekturës të cilët që në krye të herët i thanë Ramës se po zgjatesh me gjëra që i kemi dëgjuar. “Po mirë hajdeni flisni ju se unë po dëgjoj. Edukatën nuk e përmbysni dot”, iu drejtua Rama, studentëve. Studentët vazhdojnë në kor ti thonë kryeministrit: “Të lutem na jep përgjigje për kerkesat tona”.
Rama: “Në këtë sistem që jemi zgjedhur nuk ka më qofte te daja, ka ikur ajo kohë. Secili ka luftën e vet për të bërë, nuk çohen kërkesa si në Amazon.com.
Mos më ndërprisni vetë e kemi lënë një herë ju, një herë unë. Ju keni të drejtë të thoni ç’të doni, por edukatën s’e përmbysni dot ju, as me protesta”
Studentët: Ne e kemi treguar eduaktën me protestat.
Rama: Aq ju them unë, këto koret e të bërtiturat janë humbje kohe. Mos bëni atë që bënë kolegë tuajët në universitete të tjera që lanë kokrrën e namit. Respektoni prindërit tuaj. Dialogu është fol e dëgjo. Aty ku jeni ju kam qenë dhe unë. E kam bërë me të tjerë kundër një regjimi, jo kundër një qeverie që u thotë hajde ulemi.
