Ka nisur punën Kuvendi Kombëtar i Partisë Demokratike. Lideri historik i demokratëve, Sali Berisha tha gjatë një prononcimi të shkurtër për mediat se dita e sotme është e një rëndësie të madhe “pas ditëlindjes së dytë të PD në konstituimin e forumeve të saj si opozitë e vërtetë shqiptare”.
Fjalën hyrëse po e mban ish- kandidatja për deputete e Partisë Demokratike në Tiranë, Lediana Fratari, e cila po i bën thirrje të rinjve që te kthehen në Shqipëri për të kontribuuar për vendin e tyre.
Mësohet se rreth 1800 delegatë do të zgjedhin ditën e sotme Këshillin e ri Kombëtar të kësaj force politike, ku mes emrave të propozuar bie në sy rikthimi i disa figurave të njohura për demokratët.
Gjithsej në podium do të marrin fjalën 20 persona. Mes tyre pritet të jetë edhe ish-nënkryetarja e PD-së, Jozefina Topalli.
