Live nga Protesta/ Basha takon protestuesit bashkë me bashkëshorten

Sheshi para Kryeministrisë edhe këtë mëngjes është zgjuar nga protestuesit të cilët kanë kaluar natën e parë në çadër. Në këtë moment protestuesve u është bashkuar edhe kryetari i Partisë Demokratike Lulzim Basha, i cili është rikthyer aty pas largimit prej disa orës. Siç vërehet edhe këtë mëngjes, numri i protestuesve përpara kryeministrisë është i lartë, ndërkohë që Basha i ka takuar dhe falenderuar për qëndresën. Nuk dihet nëse do ketë një fjalim nga z. Basha apo do të ketë thjesht një vazhdimësi të qëndresës para kryeministrisë. Këtë mëngjes Basha nuk ka qenë vetëm, por është shoqëruar nga bashkëshortja e tij.