Parlamenti i vendit ndodhet në kaos. Nuk u arrit të zhvillohej një seancë nornale për shkak se kryetari i seancës Gramoz Ruçi ndërpriste fjalën e deputetëve të opozitës me argumentin se ka mbaruar koha.
Seanca u ndërpre 3 herë radhazi dhe duke parë këmbënguljen e opozitës për të mos liruar foltoren, Ruçi hodhi në votim ligjet e rendit të ditës të cilat u votuan për 5 minta mes kaosit.
Tashmë qeveria dhe deputetët e mazhorancës janë larguar nga salla. Seanca u deklarua e mbyllur por opozita vazhdon fjalimet e saj, e vetme në parlament, të cilat transmetohen vetëm në facebook.
PD dhe aleatët e saj e mbajtën foltoren gjatë gjithë kohës dhe për më shumë se dy orë, shqiptarët dëgjuan tezat e opozitës me argumentet fajësues për lidhjet e qeverisë me krimin. Shkak është bërë qëndrimi në qeveri i Ministrit të Brendshëm Fatmir Xhafaj, pas akuzave të opozitës për mbrojtjen e të vëllait për të cilin opozita ka publikuar përgjime për përfshirjen e tij në trafik droge.
Aktualisht po flet ish-kryeministri Berisha
