Ka nisur mbledhja e opozitës së bashkuar në Vlorë, ku sot i është bashkaur edhe Shpëtim Idrizi i cili qendron në krah në Bashës bashkë me kryetaren e LSI, Monika Kryemadhi.
Lulzim Basha duke folur në këtë mbledhje tha se vendi është në emergjencë kombëtare, pasi kryeministri i lidhur me krimin ka shkatërruar sistemin e drejtësisë.
“Gjyqi i Shullazit është i bllokuar prej 3 muajsh. Prokurorët janë larguar dje nga mbledhja e ushtares së Ramës tek Krimet e Rënda, Donika Prela. Kjo është reforma në drejtësi. Nuk ka prokuror për të dhënë vendimin për Shullazin. Sot nuk kemi as gjykatë e prokurori. Rama, Tahiri e Shullazi janë një”, tha ai.
Krimi sundon qytetin e Vlorë, tha Basha, duke bërë edhe një përmbledhje të ngjarjeve të ndodhura gjatë muajve të fundit në këtë qytet. “Në Vlorë janë zhdukur 18 persona pa lënë gjurmë. Edi Rama ja dorëzoi këtë qark Saimir Tahirit dhe më pas Xhafajt. I pari, trafikonte drogë me kushërinjtë e tij, ndërsa i dyti me të vëllanë”, tha Basha.
