Kryeministri Edi Rama, Presidenti i Serbisë, Aleksandër Vuçiç dhe kryeministri i Maqedonisë së Veriut, Zoran Zaev, po firmosin marrëveshjet në kuadër të nismës, “Ballkani i Hapur”.
Në total tre vendet Shqipëria, Serbia dhe Maqedonia e Veriut nënshkruan këtë të martë 5 marrëveshje bashkëpunimi mes tyre që përfshijnë:
1-Marrëveshje për qasjen e lirë në tregun e punës në Ballkanin Perëndimor.
2-Marrëveshje për ndërlidhjen e skemave për identifikimin elektronik të qytetarëve të Ballkanit Perëndimor
3-Marrëveshje e bashkëpunimit në fushën e veterinarisë, ushqimit, sigurisë ushqimore dhe fushën hidrosanitare në Ballkanin Perëndimor.
4-Marrëveshje dypalëshe mes Serbisë dhe Këshillit të Ministrave të Shqipërisë për njohjen e ndërsjellë të operatorëve të autorizuar ekonomikë për autorizimet e sigurisë dhe sigurimet.
5-Marrëveshje dypalëshe mes Maqedonisë së Veriut dhe Këshillit të Ministrave të Shqipërisë për njohjen e ndërsjellë të operatorëve të autorizuar ekonomikë për autorizimet e sigurisë dhe sigurimet./Opinion.al
