Musa Ulqini nuk do të rikandidojë për deputet në listat e Partisë Socialiste për zgjedhjet e 25 prillit. ABCNews raporton se Ulqini nuk ka pranuar pozicionin që i është ofruar në listën e PS.
Ndërkohë kujtojmë se ditë e sotme është bërë e ditur se edhe ish-ministrja Eglantina Gjermeni nuk do të rikandidojë më në listat e Partisë Socialiste. Kjo gjë është konfirmuar edhe nga vetë kreu i maxhorancës Edi Rama.
Partia Socialiste në këto zgjedhje do të futet pa pjesëmarrjen e disa prej emrave të cilët kanë qenë pjesë e kësaj force politike. Më herët, largimin nga politika e kanë njoftuar edhe Vasilika Hysi, Besnik Bare dhe Sadi Vorpsi. Ulqini është kështu emri i pestë i njohur mes socialistëve që nuk do të jetë në listat e këtyre zgjedhjeve./Opinion.al
