Sot janë mijëra vende të lira në universitetet publike. Pas kaosit të shkaktuar me skemën e pranimit të maturantëve kuotat kanë mbetur bosh. Nëse në fazën e parë dhe të dytë konkurenti me pikë maksimale fitonte 10 degë dhe linte qindra të tjerë jashtë, sot në fazën e tretë regjistrimet bëhen me spostimin e vijës deri në plotësimin e vendeve.
Është e çuditshme por e vertetë: Në Universitetin më të kërkuar në vend, atë të Tiranës janë plot 3 mijë kuota bosh. Në Universitetin e Mjekësisë janë 130 kuota të lira, e kështu me radhë edhe në universitete të tjera.
Maturantët kanë vetëm një ditë mundësi për tu regjistruar: Ditën e sotme…Nesër është ditë pushimi (lumturimi i Nënë Terezës) dhe të enjten nis viti i ri akademik. Kjo skemë e aplikuar këtë vit nga Ministria e Arsimit lë shumë hije dyshimi.
Pas sfilitjes për të hyrë në një universitet shtetëror, për një muaj radhazi, duket se maturantët janë dorëzuar duke ikur në privat. Tani në fund të regjistrimeve shpallen kuotat e lira në shtet dhe vetëm një ditë kohë për regjistrim.
Më poshtë lista me vendet e lira, siguruar nga Opinion.al
Mjekesi 28 kuota te lira
Stomatologji 67 kuota te lira
Farmaci 79 kuota te lira
Histori Filologji 317 kuota te lira
Shkencat e Natyres 973 kuota te lira
Gjuhet e Huaja 483 kuota te lira
Shkenca Sociale 402 kuota te lira
Ekonomiku 776 kuota te lira
Ne total Universiteti i Tiranës 3000 kuota te lira
