Lista me futbollistët më të vlefshëm në botë ka pësuar ndryshime dhe vjen me risi, ku bie në sy rënia e frikshme e vlerës së kartonit të yllit francez Kylian Mbappe.
Vlerësimet janë bërë nga Observatori i Futbollit CIES, duke përdorur shifra të tilla si mosha, performancat dhe kohëzgjatja e mbetur e kontratave për të përcaktuar vlerën e lojtarëve.
Në krye të listës qëndron sulmuesi norvegjez Erling Haaland. Sulmuesi 22-vjeçar ka shijuar një rekord të jashtëzakonshëm në sezonin e parë te Manchester City, duke shënuar 52 gola.
Pas kurorëzimit si kampion i Premierligës, Haaland ndihmoi ekipin e tij të mposhtte “kushërinjtë” e United me rezultatin 2-1 në finalen e Fa Cup në Uembley.
Është vetëm Interi në finalen e Ligës së Kampionëve këtë fundjavë që qëndron në rrugën e tij dhe ‘Qytetarët’ që pretendojnë një sukses të trefishtë historik.
Haaland, i cili është i lidhur me Cityn deri në vitin 2027, kryeson grupin me një vlerë transferimi prej 210.8 milionë paund.
Ai ndiqet nga afër nga sulmuesi i shkëlqyer brazilian i Real Madridit, Vinicius Jr, i cili është nën kontratë deri në verën e ardhshme dhe vlerësohet 168.9 milion £.
Ylli i Arsenalit, Bukayo Saka që së fundmi ka nënshkruar një marrëveshje të re me Topçinjtë deri në vitin 2027, renditet i treti.
Sulmuesi 21-vjeçar anglez vlerësohet 168.5 milionë paund, ndërsa miku i tij nga “Tre Luanët”, Jude Bellingham, është i katërti.
Asi i Dortmundit edhe pse vetëm 19 vjeç, duket se do të bëjë një lëvizje në Madrid gjatë verës dhe tashmë ka filluar të kërkojë për shtëpi në Spanjë.
Ai ka një vlerë prej 163.6 milionë paund, ndërsa një nga bashkëlojtarët e tij të rinj të mundshëm përbën pesëshen e parë.
Anësori brazilian 22-vjeçar i Realit, Rodrygo, është nën kontratë në Bernabeu deri në vitin 2025. Përllogaritjet e vlerësojnë atë 158.8 milionë paund.
Ndërkohë, asi i ri i Man City, Phil Foden renditet i nënti me vlerën 143.5 milionë paund, duke parakaluar edhe superyllin Kylian Mbappe.
Sulmuesi francez i PSG-së, i cili nënshkroi një marrëveshje të re verën e kaluar për të qëndruar në ‘Parc des Princes’ deri në vitin 2024, renditet në fund të listës dhe vlen vetëm 140.4 milion £.
Vlera mund të rritet nëse Madridi përfundimisht i jep fund ndjekjes së tyre të gjatë të transferimeve dhe përfundimisht e transferon atë këtë verë.
