Lista e Sylvinho në prag të Europianit në Gjermani, ashti siç pritej, shkaktoi shumë debate për lojtarët që braziliani nuk kishte grumbulluar.
Që nga Sokol Cikalleshi, Myrto Uzuni, Keidi Bare, Arbnor Muja apo Frederik Veseli, tekniku kuqezi sikur theksoi dhe në konferencën për shtyp, nëse do të ishte në dëshirën e tij, ai do të grumbullonte 35 lojtarë, por diçka e tillë është e pamundur nga UEFA!
Së fundmi reagim ka patur nga menaxheri i Uzunit, Franci Bode i cili me anë të një postimi e ka cilësuar të padrejtë këtë vendim dhe sipas tij, Uzuni ka statistikat më të mira se 5 nga 6 sulmuesit që braziliani ka preferuar në listë.
“Si mund të lini jashtë një lojtar me 11 gola në La Liga? Bazuar në statistikat aktuale ai është më i mirë se 5 nga 6 lojtarët sulmues në ekipin tonë kombëtar për Euro 2024. Ai gjithmonë feston me shqiponjë të për të treguar se është krenar që është shqiptar. Diçka të tillë Uzuni nuk e meriton!”, shkruan në postimin e tij Bode.
Jo vetëm nga Bode, por reagim për mungesën e Uzunit kishte dhe nga klubi i Granadës që më anë të një postimi në faqen zyrtare postoi një foto në shenjë mbështetje të lojtarit me mbishkrimin: “Gjithmonë me ty, Myrto”.
Këtë sezon, sulmuesi nga Berati shënoi 11 gola me fanellën e Grandës në La LIGA ndërsa dhuroi dhe 1 assist.
Ndonëse skuadra në fund nuk ia doli të qëndronte në elitën e futbollit spanjoll,Myrto Uzuni ishte një nga lojtarët më kryesor të ekipit dhe bëri çmos për të arritur objektivat e skuadrës.
