Të jesh deputet i një partie politike në këtë sistem, është si peshqesh që të jep kryetari i partisë. Kështu mendon analisti Preç Zogaj, i cili është renditur në listat e PD i pesti në Lezhe. I ftuar në emisionin “Kjo Jave” të Nisida Tufës në “Neës24”, ai tha se lista e Bashës është vetem e tija dhe që gabimet për të cilat po flitet, janë të korrigjueshme.
“Nuk ka listë pa gabime, por janë gabime të korrigjueshme në perspektivë, se listë pa gabime unë s’e besoj se ka, midis kësaj liste dhe mos rinovimit të ekipit të PD shumë më i rëndë do ishte mosrinovimi. Ka 4 vjet që media, i kërkon kryetarit të PD që të rinovojë ekipin. Gjatë viteve Basha ka bërë përpjekje të mëdha për hapjen e partisë, gjykoj se ka parë që kjo është një parti që ka pak vështirësi për t’u hapur. Po behet konturimi i një partie popullore elektorale duke gërshetuar kandidat me karrierë politike brenda partisë me kandidatë që startojnë nga shoqëria civile
E fundit është, se ka kohë që për shkak të sistemit në Shqiperi nuk votohet njeri, që në 2005 askush s’është votuar, në PD kanë edhe këtë normë statuore, po u zgjodhe deputetë me listë peshqesh është, bëhesh deputet pa votë, peshqesh, për këtë shkak je automatikisht
edhe anëtar i kryesisë së PD pa votë. Në popull s’je votuar, në parti s’je votuar dhe je figurë e përjetshme, dhe unë ia qaj hallin cdo kryetari të PD dhe të partive të tjera që si i masin në peshore, ne nuk e dimë kush jemi unë kam dal deputet 3 herë në sistemin mazhoritar.
Ne liste tani s’ke c’korrigjon, në perspektivë do të thotë që një person që s’është në listë dhe reflekton që padrejtësisht mund të jetë hequr në të ardhmen politika vazhdon, rikthehet prapë në liste, apo funksione drejtuese nëse PD fiton zgjedhjet, unë jam vete një shembull, jam hequr nga lista jam rikthyer se lista nuk është përcaktuese për karrierën politike”, tha Zogaj.
Sa i takon pyetjes per koalicion PSPD pas zgjedhjeve, Zogaj tha: “S’po gjejmë karar, kur s’e kemi themi pse nuk e kemi marreveshjen, kur e kemi themi pse e kemi. Unë kam qenë partizan i marrëveshjes. Sa i përket komenteve që bëhen për PD, doli dhe përshendeti LSI që tha nuk shkojmë në zgjedhje pa opozitën, ata e hëngrën fjalën, shkuan në zgjedhje. Marrëveshjet s’na bëjnë të njëjtë, ne ngelemi të ndryshëm në polikën e taksave, bujqësinë. Kjo eshte marrëveshje për bashkëadministrimin e zgjedhjeve. Koalicioni i madh për të cilin po flitet shumë është një gjë që ndodh në botë s’e kemi shpikur ne, ndodh kur votat e prodhojnë. Pershembull në Gjermani kur asnjëra palë s’ka votat për të qeverisur e vetme, dhe partitë e mëdha s’duan koalicion me partitë ekstremiste. Nëse në Shqipëri zgjedhjet nuk nxjerrin një fitues atëhere koalicionin e madh s’e vendosin partitë por e kanë vendosur zgjedhësit. Në 2009 unë kam qenë pjesë e opozitës së bashkuar, kam qenë gjithmonë me zgjedhjet dhe jo partitë, në tribunat e protestës për kutitë kam thënë që Shqipëria nuk prodhoi fitues dhe duhej ai koalicion se shqiptarët nuk e prodhuan fituesin atëhere vendi do qeveriset? po. Eshtë i mundshëm nëse votat e shqiptarëve prodhojnë këtë situatë”.
