Ajo që bie në sy pas publikimit të listës së kandidatëve për deputetë nga lideri i opozitës Lulzim Basha është edhe hapësira që u ka lënë aleatëve të PD. Duke synuar maksimizojë votat e së djathtës Basha u ka dhënë 12 vende në listë aleatëve të tij, shumica prej të cilëve në pozicione fituese.
Konkretisht, Fatmir Mediu, kreu i Partisë Republikane është i 10-ti në Tiranë, ndërsa vendin e 14-të në kryeqytet e mban sërish PR me Blendi Sulaj.
Partia Agrare Ambientaliste, ka tre pozicione fituese. Në Tiranë kandidon Fuad Haxhiymeri në pozicionin 13, në Durrës kreu i saj, Agron Duka i pesti në listë, ndërsa në Fier, Olsi Cuko, gjithashtu i pesti në listë.
Lëvizja për Zhvillim Kombëtar, ka marrë pozicionin fitues numër 11 në Tiranë për kreun e saj, Dashamir Shehi.
Partia Demokristiane, ka të sigurt një mandat deputeti në Shkodër, me kryetarin e saj, Nard Ndoka, i 5-ti në listë.
Partia Bashkimi për të Drejtat e Njeriut, vjen në lista me Vangjel Dulen i treti në Vlorë, ndërsa në Korcë i 6-ti në listë është Ligoraq Karamelo në një pozicion jo të sigurt, por të diskutueshëm.
Partia Balli Kombëtar, ka marrë pozicionin jo të sigurt, nr. 6 në Vlorë, për kryetarin e saj, Adriatik Alimadhi, ndërsa Partia e Gjelbër kandidon me kreun e saj Sazan Guri i pesti në Berat.
Partia Lëvizja e Legalitetit, kryetari i saj Sulejman Gjana kandidon i 4-ti në Dibër.
Pozicionet e aleatëve të PD
Fatmir Mediu (PR)- 10 Tiranë
Dashamir Shehi (LZHK)- 11 Tiranë
Fuad Haxhiymeri (PAA)- 13 Tiranë
Blendi Sula (PR)- 14 Tiranë
Agron Duka (PAA)- 5 Durrës
Nard Ndoka (PDK)- 5 Shkodër
Vangjel Dule (PBDNJ)- 3 Vlorë
Adriatik Alimadhi (PBK)- 6 Vlorë
Olsi Cuko (PAA)- 5 Fier
Ligoraq Karamelo (PBDNJ)- 6 Korçë
Sazan Guri (Partia e Gjelbër) – 5 Berat
Sulejman Gjana (PLL)- 4 Dibër
