Inspektorati i Lartë i Drejtësisë ka kërkuar shkarkimin nga detyra të gjyqtares Enkelejda Hoxha.
Hetimi i ILD-së, nisi si rezultat i ankesës së bërë nga Ministria e Drejtësisë pas evidentimit se shumë persona të dënuar me burg përjetë ishin liruar, mes tyre dhe Endrit Dokle, ish-numri dy i bandës së Durrësit.
Kujtojmë që në janar të këtij viti, ka qënë vetë ministrja e Drejtësisë, Etilda Gjonaj e cila ka kërkuar pezullimin e saj, pasi liroi nga burgu, Doklen.
Ndërkaq, në qershor emri i gjyqtares Enkelejda Hoxha doli sërish në skenë pas vrasjes së Hekuran Billës. Ai ishte dënuar me 25 vite burg për një vrasje të ndodhur në Angli por 10 vite para përfundimit të dënimit, Hoxha i fali 5 vite Billës, ndërkohë që 5 vitet e fundit i ka konvertuar në shërbim prove, duke e nxjerrë atë menjëherë nga qelia.
Veprimet dhe sjelljet e magjistrates konsiderohen shkelje disiplinore që kanë sjellë përfitime të padrejta për palët në një proces gjyqësor në kundërshtim me ligjin 6. Vendimet e dhëna nga gjyqtarja në harkun kohor nga maj 2017 deri në shkurt 2019, përbëjnë akte që diskreditojnë pozitën dhe figurën e gjyqtarit./Opinion.al
