Ka lënë sot qelinë e burgut, Odhise Andrea, burri i gjyqtares Majlinda Andrea. Po kështu është liruar edhe personi i dënuar për dhënie rryshfeti, Ilia Çabiri. Lirimi i tyre i parakohshëm është bërë me kushtin që të mos kryejnë krime të tjera.
Çifti Andrea akuzohej nga Prokuroria se kanë marrë 50 mijë euro për një vendim pronësie toke në Sarandë. Po sipas hetimeve rezultoi se Odhise Andrea shërbente si sekser midis palës paditëse dhe gjyqtares Andrea, gruas së tij.
Para një viti Gjykata e Lartë mori vendim për pezullimin e gjyqtares Majlinda Andrea, e cila nëpërmjet bashkëshortit të saj dyshohet se ka marrë një shumë prej 50 mijë eurosh për influencuar në vendimin, ky gjyqtarja ishte anëtare e trupit gjykues.
Ilia Çabiri nga Saranda, në cilësinë e përfaqësuesit të një familjeje ish-pronare, kërkonte njohjen e një sipërfaqe toke rreth 40 hektarë, në zonën e Butrintit dhe shuma e parave jepej per këtë rast.
Shuma e parave u dha më 10 korrik 2016, një ditë para vendimit të Gjykatës së Lartë.
