Ismail Morina, i cili hodhi dronin me elementet e flamurit shqiptar në stadiumin e Beogradit, është liruar nga burgu.
Ishte vet Ismail Morina i njohur si Ballisti, që ka bërë të ditur lajmin e mirë nëpërmjet një postimi në ‘Facebook’.
Teksa ka postuar edhe një foto me konsullin tonë në Bari Dashamirin Adrian Haska, ku shfaqet edhe me një pamje krejt ndryshe, i veshur me xhaketë dhe pa mjekër.
“Me konsullin e pergjithshem te Republikes se Shqiperise, te akredituar ne Bari te Italise, Zotrine/Dashamirin Adrian Haskaj. Pergezime te veçanta strukturave te shtetit shqiptare qe jane pefshire ne perpjekjet per lirimin tim, respekt per Kroacine dhe Italine ne paanshmerine e treguar prej tyre dhe mirenjohje gjithe atyre qe zbriten rrugeve te kryeqytetit shqiptar ne mbrojtjen time.
I LIRË !!
Rrofte shpirti i shqiptarit!!
Ismail Morina (Ballisti)”, thuhej në mesazhin e Morinës.
Morina qëndronte prej disa kohësh në paraburgim në Kroaci, ndërsa Beogradi ndërhyri disa herë që ai të ekstradohej në Serbi./Opinion.al
