Gjykata ka liruar të ashtuquajturin i forti i Shkodrës Lulzim Kulla. Lajmi për lirimin e tij konfirmohet nga avokati Detar Hysi, pasi nuk provohet fajësia. Kulla u arrestua në korrik të këtij viti, pasi u kap në Kakavijë duke tentuar të kalojë kufirin me pasaportë false.
Atentati i para 1 viti
42-vjeçari Lulzim Kulla i shpëtoi për mrekulli një atentati të 13 janarit 2018. Në atentat mbetën të plagosur 8 persona, mes tyre dhe vetë Lulzim Kulla.
Nga një operacion i gjerë i Policisë së Elbasanit në bashkëpunim me atë të Shkodrës janë vënë në pranga 7 persona, të cilët u dyshuan si autorët e shpërthimit të fuqishëm me moto-bombë në tregun Rus të Shkodrës, ku mbeti i plagosur rëndë, Lulzim Kulla, i cili ishte dhe shënjestra e atentatit.
Nga shpërthimi u dëmtuan disa biznese aty pranë. Në objektin ku iu vendos tritoli, Lulzim Kulla kishte në pronësi një lokal si dhe disa ambiente të dhëna me qira.
