Jamie Spears nuk është më kujdestari ligjor i vajzës së tij, yllit të popit Britney Spears.
Sipas mediave të huaja këtë e ka vendosur gjykatësja e Superior Court të Los Angeles, Brenda Penny. Kjo konsiderohet si një fitore e madhe për këngëtaren e cila prej kohësh survejohej nga i ati për çdo lloj veprimi.
Në këtë çështje nuk ishte vetëm imazhi i 39-vjeçares por edhe pasuria e saj për 60 milion dollarë.
Është bërë publike për mediat se në muajt e fundit Britney kishte refuzuar të kthehej në skenë. Ajo nuk do të këndonte më për aq kohë sa babai i saj do të vazhdonte të kishte rolin e kujdestarit mbi të.
Në vend të Jamie gjykatësja emëroi llogaritarin John Zabel, si kujdestarë të përkohshëm të pasurisë së Britney.
Spears nuk ka marrë pjesë në seancë megjithatë duket se ka rilindur në rrjetet sociale teksa ka nisur të postoj më shpesh dhe ka shpallur fejesën me të dashurin e saj./Opinion.al
