Kryetarja e Kuvendit, Elisa Spiropali ka reaguar pas lirimit nga burgu pas katër vitesh të liderit të opozitës bjelloruse, Siarhei Tsikhanouski.
Përmes një postimi në platformën “X”, Spiropali uron që lirimi i tij të shënojë një hap shprese për lirimin e të gjithë të burgosurve politikë në Bjellorus.
“Lajm i shkëlqyer! Lideri i opozitës bjelloruse, Siarhei Tsikhanouski, është tani i lirë pas viteve të burgosjes së padrejtë.
E lumtur për mikeshën tonë të dashur @Tsihanouskaya dhe familjen e saj!
Uroj që kjo të frymëzojë të gjithë ata që luftojnë për liri dhe të shënojë një hap shprese për lirimin e të gjithë të burgosurve politikë në Bjellorusi!”, shkruan Spiropali.
