Lionel Messi: Kam qarë disa herë për ndeshje

Ylli i Argjentinës, Lionel Messi ka deklaruar se Kupa e Botës që do të zhvillohet këtë vit në Rusi do të jetë mundësia e fundit për të, që të fitojë një trofe me Argjentinën.
Argjentinasi ka fituar shumë trofe në karrierë, por i mungon vetëm Kupa e Botës me Argjentinën dhe thotë se do të jetë mundësia e fundit për të ngritur lart Kupën e Botës.
“Ne varemi nga rezultatet, fatkeqësisht. Nëse nuk shpallemi kampion ndihemi sikur nuk kemi arritur asgjë. E imagjinoj veten duke fituar, duke ngritur lart trofeun e Kupës së Botës. Është një ëndërr që e kam pasur gjithmonë dhe sa herë që vjen Botërori bëhet gjithmonë e më e fortë. Dëshiroj t’i them njerëzëve që shpresojmë të zhvillojmë një Botëror të madh për ne” shprehet argjentinasi.
Kombëtarja e Argjentinës ka dal 3 herë në finale, 1 herë në finale të Botërorit dhe 2 herë në finale të Kupës së Amerikës, por duke mos arritur kështu të fitojë asnjë trofe.
“Kam qarë disa herë për ndeshje të tilla, për ato finale të humbura, për atë kuptim që kanë dhe duke mos qenë në gjendje të bëjmë realitet ëndrrën e një vendi të tërë. Kanë qenë goditje të mëdha për ne. Duket sikur arritja e 3 finaleve nuk ka ndihmuar aspak” shton më tej ylli i Barcelonës.