Lionel Messi është fituesi i Topit të Artë. Futbollisti bën histori në futboll duke fituar kështu për të shtatën herë “Topin e Artë” dhe duke thelluar kështu rekordin, pasi Cristiano Ronaldo e ka fituar pesë herë.
Messi mposhti konkurencën e Benzema, Jorginho, Kanté dhe Lewandowskit.
Leo Messi kishte dominuar për katër vite, duke e fituar Topin e Artë nga viti 2009 deri në vitin 2012, ndërsa më pas e fitoi edhe në vitin 2015 dhe në vitin 2019. Argjentinasi është edhe fituesi i fundit në fuqi i këtij trofeu, pasi vitin e shkuar u anulua për shkak të pandemisë që penalizoi futbollin në shumë vende të botës.
