Aktorja e njohur Lindsay Lohan ka dhënë papritur lajmin e ndarjes së saj. E pyetur nëse ishte në një lidhje, aktorja ka treguar se prej disa kohësh po dilte me dikë, por ata ishin ndarë pikërisht sot.
Lindsay nuk ka preferuar ta tregojë identitetin e personit në fjalë, mirëpo ka rrëfyer se lidhja nuk ka zgjatur për një kohë të gjatë.
“Po dilja me dikë dhe u ndamë sot. As nuk keni për ta ditur cili është, zgjati pak”- u shpreh 33-vjeçarja teksa ishte e ftuar në “The Kyle and Jackie O Show”.
Megjithëse ajo nuk përmendi emrin e tij, në rrjet po aludohet se në fakt bëhet fjalë për sheikun miliarder arab, Mohammad bin Salman.
Lindesay dhe Mohammad u takuan për herë të parë para një viti në një garë të “Formula 1” dhe në muajt në vijim u përfolën për një lidhje dashurie mes tyre. Mirëpo mesa duket, gjithçka ka marrë fund shpejt dhe ende nuk janë zbuluar arsyet pse Lindsay dhe sheiku arab s’janë më bashkë./Opinion.al
