Prej kohësh çifti mbretëror Meghan Markle dhe Princ Harry janë në qendër të vëmendjes së mediave në gati çdo gjë që ndodh në jetën e tyre.
Në pak ditë pritet që Dukesha Meghan të sjellë në jetë fëmijën e saj të parë, moment i cili po pritet me shumë kërshëri.
Sipas mediave të huaja pak kohë më parë u bë e ditur se Meghan dhe Harry preferojnë që lindja e fëmijës së tyre të jetë private, duke mos ndjekur traditat siç ka bërë çifti tjetër mbretëror Princ William dhe Kate Middleton.
Mirëpo sipas revistës “People” pallati mbretëror Buckingham ka lajmëruar se një lajm i tillë nuk është i vërtetë dhe se ata do e bëjnë të ditur çastin kur Dukesha do sjellë në jetë fëmijën e saj.
Gjithashtu Harry dhe Meghan do të realizojnë edhe setin fotografik bashkë me fëmijën e tyre në kështjellën Windsor. Ndonëse këto kanë qenë kërkesa të Dukeshës Meghan, Pallati Mbretëror ka vendosur që këtë herë nuk do të thyhet protokolli dhe do të vijohet sipas traditës./Opinion.al/
