Ish-ministrja e Arsimit Lindita Nikolla ka folur në lidhje më lajmin e publikuar në media, ku thuhet se më 22 maj studentët do të zhvillojë një tjetër protestë.
Nikolla u shpreh në “Ora News” se protesta nuk është vendimi i studentëve, por një pjesë që janë të lidhur me politikën.
“Nuk ka protestë, por është intervista e një studenti që është parë edhe në protestat e opozitës, packa se është student dhe kërkon që të jetë pjesë e tyre. Pakti i Universitetit ka përparuar dhe përfshin më shumë pika sa vetë studentët kishin. Por dëgjova të thuhej se kishin kërkesa të reja. Në cdo vend të botës ka kërkesa të reja nga studentët. Si kurrë më parë arsimi i lartë është kryefjalë e qeverisë”,-tha Nikolla.
Po ashtu, ish-ministrja e Arsimit komentoi dhe vendimin e presidentit Ilir Meta për mos shkarkimin e rektorit Mynyr Koni.
Sipas saj, Meta është shprehur kthyer në një parti e tretë të opozitës, pasi ka kthyer shumë herë dekretet kryeministrit Edi Rama.
“Pa dashur ta komentoj shumë, Presidenti i Republikës është kthyer në një parti të tretë të opozitës. Janë shumë ligje që ai po kthen, dekrete të kryeministrit. Jemi të gjithë dëshmitarë.
Është shumë e rëndësishme që aktorët e jetës së Universitetit ta shohin këtë cështje me shumë seriozitet, për të ndryshuar sjelljen dhe për të zgjidhur një ngërc konfliktual që ka kapur strukturat e këtij Universiteti”,-tha Nikolla/ Opinion.al E.Xh.
