Reperi kosovar, Arian Gushi i njohur me emrin e artit Gold Ag ka dhënë lajmin se është bërë baba për herë të parë me një djalë.
“Falenderimi i takon Krijuesit të qiejve dhe tokës, që sot mua dhe nusen time na furnizoi me një djalë. O Allah o Zoti im ty të takon falenderimi, o Zoti im gëzoj të gjithë çiftet që e kërkojnë këtë dhuratë prej teje. Biri im ti linde në një ditë të veçantë për mua, por edhe për mbarë popullin shqiptarë. Në këtë datë gjithmonë e festuam festën e flamurit, festuam më vonë edhe daljen publike të Ushtrisë Çlirimtare të Kosovës. Në këtë datë lindi një njeri i madh që fal pushkës së tij ti sot linde në liri birë.”- ka shkruar reperi në një postim në ‘Instagram’.
Në reagimin e tij Gold Ag ka zbuluar dhe emrin e djalit, ndërsa ka treguar se e ka lidhur atë me kuptimin e veçantë të datës 28 nëntor, ku festohet pavarësia e Shqipërsë, dalja publike e Ushtrisë Çlirimtare të Kosovës dhe ditëlindja e Adem Jasharit.
“Djali i babës ti erdhe me 28 Nëntor në ditëlindjen e Adem Jasharit. Emrin tënd e vendosi edhe data jote, e gëzofsh emrin GUERIL, e paq shëndetin dhe jetën e gjatë, qofsha krenarë me ty e jetofsh i lirë në tokën tënde djali jem i miri…O Zoti im ti je i vetmi furnizues, mos më largo nga mëshira jote dhe më bëj rob falenderues”, ka përfunduar reperi Gold Ag.
View this post on Instagram
