Një ngjarje e rëndë është regjistruar në Maternitetin “Koço Gliozheni” në Tiranë. Sipas News 24, një 29-vjeçare ka ndërruar jetë pasi ka sjellë në jetë foshnjën e saj rreth 5 kg.
Mësohet se e reja ka ndërruar jetë pas lindjes natyrale. Lindja është kryer ditën e shtunë, ndërsa e reja ka dalë me dëshirën e saj nga spitali ditën e hënë.
Ditën e djeshme 29-vjeçarja është kthyer në spital në gjendje të rëndë shëndetësore, ku është shtruar në reanimacion. Por pavarësisht ndihmës se bluzave te bardha gruaja ditën e sotme ka humbur jetën.
Mësohet se nëna nuk kishte hemorragji, nuk ka pasur probleme në lindje. Pritet ekspertiza mjeko-ligjore për te konfirmuar shkakun e vdekjes.
