Binjaket Abby dhe Erin Delaney, të cilat lindën të bashkuara në kokë dikur kishin vetëm 2% mundësi për të mbijetuar. Por tani motrat 6-vjeçare përfunduan me sukses kopshtin.
Abby dhe Erin kanë lindur më 24 korrik 2016, sipas SWNS. Nëna Heather Delaney, 33-vjeçare, mësoi se ajo mbante “binjakë kraniopagus” kur ishte rreth 11-javëshe shtatzënë.
Binjaket kishin një kafkë, lëkurë dhe një enë të njohur si “sinusi sagittal superior”, i cili transporton gjakun larg trurit.
Në qershor të 2017, binjaket iu nënshtruan një ndërhyrje 11-orëshe për ndarje në Spitalin e Fëmijëve të Filadelfias.
Abby dhe Erin arritën një tjetër moment historik të madh në fillim të këtij muaji, duke u diplomuar në kopshtin e tyre.
“Duke parë se si po diplomoheshin, ishte sikur po ëndërronim,” tha Heather.
Heather dhe burri i saj Ryley Delaney, 30 vjeç, u shqetësuan kur mësuan se binjakët e tyre ishin bashkuar në kokë.
“Kur e zbuluam për herë të parë u tronditëm, nuk kishim idenë se çfarë të mendonim,” kujton Heather. Është diçka që e shihni vetëm në TV, mendova se kjo nuk u ndodh njerëzve në të vërtetë”, tha 33-vjeçarja.
Babai i vajzave Ryley Delaney, 30 vjeç shprehet se ishin të shokuar dhe nuk dinin si të vepronin. Pas lindjes vajzat kanë qëndruar për muaj të tërë në spital derisa të vinte momenti i ndërhyrjes. Vajzat mbushin 7 vjeç në Korrik. Pavarësisht se gjendja e tyre shëndetësore është nën kontroll, ato kanë një zhvillim më të ngadaltë se bashkëmoshatarët. Erin nisi të ecte kur ishte 5 vjeç, ndërsa Abby po mëson si fundmi./Opinion.al
