Ish-anëtari i UÇK-së Dritan Goxhaj, i arrestuar në Tiranë me urdhër të Gjykatës Speciale është lënë në burg.
Avokati apeloi masën ‘arrest me burg’ për Goxhajn, por Gjykata e Apelit me Juridiksion të Përgjithshëm ka lënë në fuqi masën e sigurisë “arrest me burg” për ish-anëtarin e UÇK-së.
Në seancën gjyqësorë, Goxhaj ka pretenduar para gjykatës se ka mbrojtur vendin e tij, Kosovën me “zemër dhe me penë”.
“Nuk kam kryer asnjë shkelje ligji, por po më ekstradoni që t’i bëni qejfin Serbisë”, raportohet të ketë thënë ai para trupës gjykuese.
Të njëjtin qëndrim ka mbajtur dhe avokati i tij duke pretenduar se arrestimi i Goxhajt është terësisht politik.
Gjykata e Hagës ka kërkuar ekstradimin e ish-anëtarit të Ushtrisë Çlirimtare të Kosovës pasi ky i fundit akuzohet se ka kërcënuar dëshmitarët e luftës së Kosovës që të mos flasin për gjyqin që po bëhet në Hagë.
