GJKKO ka konfirmuar masën e sigurisë “pezullim detyre” për Prefektin Granit Gjana.
Gjana ka bërë të ditur se ka dhënë dorëheqjen nga detyra e tij si prefekti i Kukësit për t’u përballur me drejtësinë si qytetar i lirë.
“U dorëhoqa si Prefekt për t’u përballur me drejtësinë si qytetar” tha Granit Gjana pas seancës.
Kujtojmë se Gjana u pezullua nga detyra një ditë më parë pas nisjes së hetimeve nga SPAK për veprën penale “shkelja e barazisë së pjesëmarrësve në tendera apo ankande publike”, kur mbante detyrën e nënkryetarit të Bashkisë së Kukësit.
Dyshohet se në cilësinë e nënkryetarit të Bashkisë Kukës, por me kompetencat e deleguara si titullar i Autoritetit Kontraktor Bashkia Kukës, Gjana ka penguar një subjekt të kualifikohet në dy procedurat e një tenderi për blerje karburanti.
