Ligoraq Karamelo, i cili u fut në Kuvend nga lista e PD-së thotë se e kanë kërcënuar. Ngjarja ka ndodhur në qendër të qytetit të Korçës ku 3 persona e kanë kërcënuar me jetë deputetin.
“Kam qenë duke dalë nga lokali kur u kërcënova. Tre personat tentuan të më godasin me quajtën tradhtar. Nuk tërhiqem nga mandati i deputetit. Bëra denoncimin. Njeri prej tyre është shoqëruar”, është shprehur ai.
Karamelo ka qenë dy herë deputet i Republikës së Shqipërisë, në vitet 1997-2001 dhe 2001-2005. Sipas jetëshkrimit të botuar në Kuvendin e Shqipërisë, Karamelo ka lindur në vitin 1953 në Korçë. Ka studiuar në Universitetin e Tiranës për Fizikë.
Në vitin 1996 është zgjedhur nënkryetar i Bashkisë së Korçës, si edhe anëtar i Këshillit Bashkiak të qytetit të këtij qyteti. Më parë, përgjatë viteve 1985-1996 ka qenë mësues fizike dhe drejtor i shkollës 8-vjeçare në Vranisht, drejtor i Shkollës së mesme në Progër apo i shkollës teknologjike në Korçë./Opinion.al
