Ligji për krijimin e Byrosë Kombëtare të hetimit ka përplasur në deklarata publike përmes facebook, dy liderët e partive më të mëdha në vend , Ramën dhe Bashën.
Rama i ka kërkuar Bashës që t’i tregojë publikut draftin e dakordësur për ligjin nga PD, duke e quajtur atë Loli ndërsa ish-kryeministrin Berisha Soli.
“Soli & Loli thone s’eshte ky drafti i dakordesuar per Byrone e Hetimit! Po mire atehere cili eshte drafti i dakordesuar? Tregojani publikut!”
Basha ka reaguar duke thënë se Rama thjesht po luan bllof me një draf të skaduar. Sipas tij, drafti që Rama solli në parlament ra në 21 Dhjetor kur foli Venecia e tha se Byroja nuk mund të ketë drejtim tjetër veç prokurorisë.
“Dielli me shoshe dhe e verteta me rrena nuk mbulohen dot. Drafti qe solli Rama sot ne parlament ra me 21 dhjetor kur foli Venecia e tha se Byroja nuk mund te kete drejtim tjeter vec prokurorise. E ftova publikisht 3 here ta miratonim me ndryshimin e Venecias dhe tha do pres prape Venecian. Tani luan bllofin me draftin e skarcuar. S’i kam faj une qe njihet si genjeshtar i certifikuar nga Brukseli ne Honolulu”.
