Neni 13 në ligjin për SPAK që krijoi shqetësime në lidhje me pavarësinë e medias do të rishikohet. Mazhoranca u terhoq pas reagimeve të forta në media. Sot ABC News raporton se anëtarë të PS në komisionin e reformës thanë se keqkuptimi është krijuar për shkak të formulimit të teksit, gjë që do të ndryshojë.
Mazhoranca pranon se neni 13 i p/ligjit për SPAK duhet të rishkruhet, për të evituar keqkuptimin e krijuar në lidhje me rolin e medias.
Burimet thanë se neni 13 nuk ka në fokusin e tij median dhe rolin e saj në informimin e publikut, por synon të garantojë paanshmërinë e prokurorit të posacëm. Por mazhoranca pranon se “mënyra si është formuluar (drafti) krijon keqkuptim për median dhe kjo gjë mund dhe duhet të rishkruhet. Ata thonë se ky nen ishte rekomanduar nga ndërkombëtarët.
