Pronat mbeten problemi kryesor që pengojnë investimet afatgjata në vend, një fakt ky i cili na rendit negativisht edhe në raportet ndërkombëtare. Për këtë arsye, qeveria po tenton t’u japë zgjidhje problemeve të pronësisë.
Këshilli i Ministrave ka dërguar në Kuvend një nismë ligjore, e cila parashikon që pronat e vogla shtetërore të cilat janë të kufizuara nga prona private e që nuk mund të zhvillohen dot pa këto hapësira, t’i kalojnë privatëve pas lidhjes së kontratës që synon kryerjen e një investimi.
Duke ju referuar relacionit shoqërues, këto sipërfaqe të vogla toke bëjnë të pamundur zbatimin në praktikë të planeve rregulluese të miratuara. Në relacion argumentohet se kjo është rruga më eficente nga ana e sigurisë juridike duke ofruar qëndrueshmëri dhe një adresim afatgjatë i këtij shqetësimi.
Projektligji parashikon që Këshilli i Ministrave të jetë ai që do të përcaktojë kushtet dhe kriteret që duhet të plotësojë kërkuesi si dhe mënyrën e vlerësimit të pronës. Pronat janë problemi kryesor që pengojnë investimet afatgjata në vend, një fakt ky i cili na rendit negativisht edhe në raportet ndërkombëtare./Opinion.al
