Parlamenti Europian ka miratuar një ligj sipas të cilit prej vitit 2021 do të ndalohet shitja e shumë produkteve plastike që përdoren vetëm një herë si për shembull pjatat dhe gotat plastike, pastruesit e veshëve, shkopinj plastike për tullumbace etj. Ligji u miratua me 560 vota pro, 35 kundër dhe 28 abstenim.
Bashkimi Europian prodhon rreth 26 milionë ton mbetje plastike në vit, prej të cilave vetëm 30% janë të riciklueshme. Në plazhet evropiane, mbi 80% e mbeturinave janë plastikë dhe shumica e tyre janë produkte që përdoren vetëm një herë. Për të krijuar një ide më të qartë për ndotjen, është njësoj sikur çdo vit 66 mijë kamionë të zbrazin mbeturinat në det./Opinion.al
