Parlamenti australian ka miratuar një ligj që i lejon autoriteteve shtetërore të gjobisin rrjetet sociale deri në 10% të të ardhurave të tyre vjetore dhe të burgosin drejtuesit deri në tre vite, nëse nuk fshijnë me shpejtësi fotot dhe videot me përmbajtje të dhunshme në këto platforma.
Gjithashtu kompanitë duhet të informojnë policinë australiane për përmbajtjet e dhunshme. Një juri e posaçme do të gjykojë rast pas rasti nëse platformat janë treguar të shpejta për të hequr këto foto dhe video.
Ligji u miratua më pak se një muaj pas sulmit në dy xhami në Christchurch të Zelandës së Re, ku humbën jetën 50 persona në faljen e së premtes. Vrasësi, një 28-vjeçar australian, shpërndau në kohë realë videon e sulmit, e cila u fshi nga Facebook 12 minuta pasi ishte hedhur./Opinion.al
