Ligji i plehrave rikthehet në Parlament. Me një kërkim të thjeshtë në faqen e Parlamentit rezulton se në 3-javëshin e parë të punimeve të parlamentit, pika 17 është diskutimi mbi dekretin e Presidentit për kthimin e Ligjit për Menaxhimin e Integruar të Mbetjeve. Pra drafti i këtij ligji mjaft të debatuar dhe kontestuar në shtator-tetor 2016 rikthet në legjislaturën e re parlamentare.
Për të mësuar më shumë rreth ndryshimeve ligjore, Opinion.al kontaktoi me kryetarin e Komisionit të Veprimtarisë Prodhuese, socialistin Eduard Shalsi dhe n/kryetarin, demokratin Florion Mima.
Ky i fundit tha shkurtimisht, se ende nuk e ka në dorë draftin e ri, ndërsa Shalsi tha se “të gjitha pr/ligjet e mbetura pezull nga legjislatura e kaluar janë futur ‘në bllok’ në legjislaturën e re”.
Shalsi tha për Opinion.al se të mërkurën mblidhet Komisioni i Veprimtarisë Prodhuese për të diskutuar kalendarin e punimeve.
Ish-Presidenti Bujar Nishani riktheu për shqyrtim ligjin e mbetjeve në tetor 2016. Parlamenti i përparshëm e la pezull, nuk e futi më për diskutim draftin e shumëdebatuar. Tashmë bashkë me parlamentin e ri rikthehet dhe ligji i plehrave. Mbetet për tu parë se çfarë ndryshimesh do ti bëhen këtij ligji. Shoqëria civile kundërshtoi ashpër vitin e kaluar importin dhe riciklimin e plehrave nga jashtë.
/Riviera Dedaj- Opinion.al
Përbërja e Komisionit të Veprimtarisë Prodhuese
Eduard Shalsi – kryetar (PS)
Besnik Baraj – sekretar (PS)
Ilir Beqaj – anëtar (PS)
Gjetan Gjetani – anëtar (PS)
Rrahman Rraja – anëtar (PS)
Eglantina Gjermeni – anëtare (PS)
Andrea Marto – anëtar (PS)
Rakip Suli – anëtar (PS)
Tatiana Nurçe – anëtare (PS)
Ilir Ndraxhi – anëtar (PS)
Bujar Muça – anëtar ( i zgjedhur nga PDIU, i deklaruar i pavarur)
Florion Mima – zëvendëskryetar (PD)
Endri Hasa – anëtar (PD)
Lorenc Luka – anëtar (PD)
Izmira Ulqinaku – anëtare (PD)
Hekuran Hoxhalli – anëtar (PR)
Robert Bitri – anëtar (LSI)
Agron Çela – anëtar (LSI)
Lefter Koka – anëtar (LSI)
