Kjo e enjte shënon ngritjen e Prokurorisë speciale, SPAK. Të tetë anëtarët e parë të saj u betuan përpara presidentit Ilir Meta. Pasdite anëtarët e Këshillit të Lartë të Prokurorisë zgjodhën Arben Kraja në krye të Prokurorisë së Posaçme kundër Korrupsionit dhe Krimit të Organizuar, SPAK.
Por ish ministri i Drejtësisë, Ylli Manjani paralajmëron se nëse qeveria çon deri në fund nismën anti KÇK, “atëherë natën e mirë SPAK”.
“A ke lexu ligjin e KÇK, e ke lexu ligjin se do ta bënin dhe akt normativ ata… Ai ligji i KÇK është që nëse mua nuk më pëlqen prokurori për çështjen që ke nis ministri i drejtësisë ose ministri i brendshëm…Ligji i KÇK nuk po flas për ligjin e SPAK-ut po për ligjin e KÇK është si puna e hallit, halli im p*llon hallin tat, ky është i gjithë muhabeti. Ai me akt normativ qeveria po të hedh poshtë kushtetutën dhe kjo është një gjë e papranueshme…unë po them ca është artikuluar deri më sot nuk është në fuqi…”, tha ish ministri i Drejtësisë./ Opinion.al
