PSG, pas humbjes 3-1 të pësuar para dy javësh në fushën e Monaco, ka regjistruar një tjetër rezultat zhgënjyes në kampionat, pasi ka barazuar 1-1 me ekipin e St Etienne në takimin e zhvilluar mbrëmjen e sotme në javën e katërt të kampionatit francez. Ky rezultat i lë kampionët e francës në vendin e tretë në kampionat në kuotën e 7 pikëve, me një ndeshje më shumë të luajtur, duke parë se nesër dhe pasnesër do të zhvillohen takimet e tjera të Ligue 1.
Për sa i takon ndeshjes së sotme, vendasit kanë arritur ta zhbllokojnë sfidën dhe të realizojnë golin e fitores në minutën e 66-të të pjesës së dytë falë një penalltie të fituar nga Matuidi, që është kthyer në gol nga braziliani Lucas Moura. Kur dukej se “Les Parisiens” do të largoheshin nga “Parc des Princes” me tri pikët ka ardhur edhe befasia, teksa miqtë kanë shënuar në minutën e 91-të me Beric. Një rezultat aspak i mirë ky për ekipin e Emery që të martën do të presë në shtëpi Arsenal për ndeshjen e parë të Grupit A të Champions League.
Paris SG-St Etienne 1-1
