Ndeshjet e Ligës së Kombeve kanë sjellë surpriza mbrëmjen e sotme. Spanja humbi në Ukrainë me rezultatin 1-0 edhe pse e kontrolloi totalisht ndeshjen.
Vendasit kaluan në avantazh në pjesën e dytë të takimit me Tsygankov, ndërsa “La Roja” prej disa ndeshjesh po tregon se ka mungesa në sulm dhe se i riu Fati nuk mundet të mbajë peshën e ekipit.
Gjermania nuk shkoi më shumë se barazimi 3-3 përballë Zvicrës në një ndeshje spektakolare që u mbyll pa fitues. Ky barazim nuk i shkon për shtat asnjë prej ekipeve të cilët renditen poshtë Spanjës së vendit të parë në grup.
