Mund të ekzistojë një lidhje midis menopauzës dhe Covid-19. Ky është përfundimi në të cilin kanë arritur së fundmi shkencëtarët. Sipas tyre, rënia e nivelit të estrogjenit mund të vendosë gratë në rrezik të shtuar përballë sëmundjes, megjithatë që kjo të pohohet me bindje ka nevojë për më shumë studime, raporton The Guardian.
Sipas studiuesve tek gratë në mosh të re infeksioni dhe simptomat e COVID-19 mund të jenë më të zakonshme dhe të lehta sesa tek ato të cilat janë në periudhë menopauze.
Gjetje të tilla kanë ngritur pyetjen nëse hormonet si estrogjeni mund të luajnë një rol mbrojtës. Ky hormon është në nivele më të larta tek gratë sesa burrat, por pëson ulje gjatë periudhës që gratë kalojnë menopauzën.
“Është një pyetje e mirë nëse hormonet mund të luajnë një rol mbrojtës, apo cilësime të tjera si mosha apo gjinia”, tha Dr Claire Steves, anëtare e ekipit studiues në King’s College London.
Në këtë studim të bazuar në simptomat e raportuara të COVID-19, Steves dhe kolegët e saj arritën në përfundimin se gratë pas menopauzës ishin në rrezik më të madh për t’u infektuar me Covid sesa gratë që nuk e kishin kaluar menopauzën.
Ekipi zbuloi gjithashtu se gratë që përdornin pilula që përmbajnë estrogjen, ishin më pak të rrezikuara nga Covid sesa gratë e tjera që nuk i merrnin këto pilula./ Opinion.al
