Ditën e sotme gjykata për Krimet e Rënda ka dhanë masën “arrest me burg” për Redjan Rrajën, i cili akuzohet se është një nga autorët e atentatit ku mbetën të plagosur prokurorit Arjan Ndoja, miku i tij, Aleksandër Laho dhe Andi Maloku, shoferi i prokurorit.
Ndërkohë, hetimet kanë vijuar për zbulimin e lidhjes së prokurorit me Aleksandër Laho, i dyshuar për një sërë ngjarjesh kriminale në vend. Aleksandër Laho njihet edhe me emrin Landi Muharremi, ndërsa pseudonimi i tij është “Rrumi”.
Pak ditë më parë në media u publikua një lajm se në bagazhin e makinës së prokurorit gjetën dosje që lidhen me ish-gjyqtarin Skerdilajd Konomi, si dhe dosjet që u vodhën në prokurorinë e Durrësit disa kohë më parë.
Ndërkohë Top Channel ka zbuluar fakte të reja që mund të jenë detajet e një piste të re hetimi te cilat kane lidhje edhe me dhunimin e biznesmenit libanez që do të ndërtonte një kompleks turistik në zonën bregdetare të Durrësit. Ai e la në mes projektin për shkak se u dhunua barbarisht në rruge nga disa persona, një prej të cilëve ishte i dyshuari me emrin Rrumi.
Sipas të dhënave ka një lidhje mes këtyre ngjarjeve, prokurorit Ndoja dhe personit që ishte me të në automjet dhe që u plagos. Në kohën kur libanezi morri një tokë nga shteti për të bërë investim, bashkëshortja e prokurorit Arjan Ndoja ishte avokate e një personi që pretendonte pronësinë e tokës.
Personi i cili pretendonte autorësinë e tokës dhe që kishte si avokate bashkëshorten e prokurorit, mundi që të fitonte gjyqin ndaj libanezit.
Më pas personi i cili fitoi gjyqin ndaj biznesmenit libanez, ia ka shitur pronën Aleksandër Lahos (Landi Muharremi). Kjo ishte një skemë e cila përdoret nga gjerësisht nga personat e botës së krimit, të cilët përdorin persona të tjerë për marrjen e pronës dhe më pas bëhen përfitues të vetëm të tyre./ Opinion.al
