Udhëheqësi suprem i talebanëve, Hibatullah Akhundzada, është në Afganistan, në qytetin e Kandaharit, njoftoi sonte një zëdhënës i lëvizjes, Bilal Karimi.
“Unë mund të konfirmoj se ai është në Kandahar. Ai do të shfaqet në publik së shpejti, “tha ai.
Sipas kanalit televiziv lokal Ariana News, Hibatullah Akhundzada ka qenë në Kandahar për katër ditë dhe u takua me zyrtarë të lartë talebanë për të diskutuar të ardhmen e Afganistanit dhe përbërjen e qeverisë së re.
Talibanët kanë publikuar vetëm një fotografi të tij.
Pas marrjes së Kabulit më 15 gusht, disa nga udhëheqësit kryesorë talebanë nga Katari shkuan në Kandahar.
Hibatullah Akhundzada mori drejtimin e lëvizjes më 25 maj 2016, pasi paraardhësi i tij, Mullah Akhtar Mansour, u vra në një sulm ajror amerikan. Ai predikoi në një fshat pranë kufirit midis Pakistanit dhe Afganistanit për 15 vjet, derisa u zhduk në maj 2016.
Më parë, Akhundzada kishte drejtuar sistemin gjyqësor të organizatës ekstremiste./Opinion.al
