Ndodh shpesh që kur masat e ndërmarra nga policia për mbarëvajtjen e ndeshjeve të futbollit janë të rrepta, efektivët e forcave të rendit e tejkalojnë “masën” me sjelljen e tyre kontrolluese.
Diçka e tillë ka ndodhur edhe në ndeshjen e djeshme mes Shqipërisë dhe Izraelit në “Elbasan Arena”, ku në përpjekje për të shmangur çdo lloj incidenti, policia i ka bezdisur jashtë mase tifozët me kontrollet e bëra.
Lideri i tifogrupit “Plisat” nga Prishtina, Albert Kastrati, ka ironizuar me këtë fakt duke postuar në profilin e tij në Facebook një foto të policëve në tribunën ku ata ishin vendosur teksa shikonin me vëmendje banerin ku shkruhet emri i grupimit.
