Protesta e dhunshme e zhvilluar ditën e djeshme në SHBA ka sjellë reagimin e liderëve botëror.
Lidhur me ngjarjet e ndodhur ditën e djeshme ka reaguar dhe Presidenti iranian Hassan Rohani. Teksa iu referua sulmit të Kapitol në Uashington, Rohani shprehet se demokracia perëndimore është e brishtë.
“Ajo që pamë në Shtetet e Bashkuara mbrëmë dhe sot tregoi, para së gjithash, se demokracia perëndimore është e brishtë, “ tha Rohani në një fjalim të transmetuar në televizionin shtetëror.
Më tej, në reagimin e tij Presidenti i Iranit paralajmëron botën për rritjen e populizmit.
“Fatkeqësisht, në vendet perëndimore kemi zbuluar se terreni është gati për populizëm, megjithë përparimet në industri dhe shkencë. Një populist erdhi në pushtet dhe bëri kërdi në vendin e tij në katër vjet. Shpresoj që të gjithë dhe udhëheqësit e ardhshëm të Shtëpisë së Bardhë të marrin mësim,” tha ai, duke iu referuar Presidentit në largim të SHBA Donald Trump./ Opinion.al
