Shkëlzen Berisha, djali i ish-kryeministrit Sali Berisha, ka deklaruar në emisionin ‘Të Paekspozuarit’ të enjten se në gjyqin e zhvilluar në SHBA kundër Guy Lawson, ka dalë edhe emri i Erion Veliajt.
Guy Lawson është autori i librit “Armët dhe çunat”, që i referohet historisë së Efraim Diverolit dhe trafikut të armëve nga Gërdeci. Berisha hodhi në gjyq Lawson pasi në libër përmendej si person i përfshirë në aferën e Gërdecit.
Por Guy Lawson në një intervistë për Top Channel (të plotë e lexoni KÊTU) e pranon se Veliaj ka qenë një nga burimet e tij por thotë se ka pasur dhe burime të tjera.
“Erion Veliaj ishte një nga burimet e mia, por siç argumentoi Gjykatësja Cooke në vendimin e saj, unë isha bazuar në shumë burime të tjera për të treguar përfshirjen e paditësit, si artikulli i “New York Times”, “BroWard Beach New Times”, the “New Republic”, dokumentari i Al Jazeera-s “Plumba dhe Dollarë”, e-mail-e diplomatike që dolën në publik, në të cilat ambasadori amerikan e lidhte zotin Berisha me korrupsionin e tregtisë së armëve, si dhe intervista me shumë njerëz të tjerë”, shprehet Lawson.
Kujtojmë se Shkëlzen Berisha humbi betejën gjyqësore në shkallën e parë në SHBA me Laëson dhe një shtëpinë botuese, të cilëve u kërkonte 60 milionë dollarë dëmshpërblim për shpifje./Opinion.al
