Moderatorja e “Prive” Liberta Spahiu ka folur rreth historisë së saj më të keqe të dashurisë, që rezulton të jetë ajo me Getoar Selimin. E pyetur në emisionin ‘NIN’ nga Alaudin Hamiti se cila ka qenë historia e saj më e keqe e dashurisë, Liberta u shpreh:
‘Ajo ku nuk ka pasur dashuri, por e kam bërë thjesht për protagonizëm’
Ndonëse ajo nuk e ka bërë të qartë për kë bëhet fjalë, duket se i referohet një historie me një prej personazheve të famshëm në media. Spahiu u përfol shumë në vitin 2014 për marrëdhënien me Getoar Selimin, një marrëdhënie e cila më pas mori fund. Në fund të 2015, Liberta foli hapur për arsyet që çuan në këtë ndarje, duke u shprehur se shkak ishte bërë xhelozia e Getoarit, duke qenë ajo një personazh publik. Por, siç tregoi atëherë, ajo nuk kishte ndërmend të hiqte dorë nga televizioni.
